Киро Глигоров не беше визионер. И јас не сум сосема сигурен дека тој било кога во животот почувствувал дека соништата навистина се јазикот на којшто зборува Господ, како што вели една мудра изрека. Имав прилика со него подолго да разговарам десеттина пати и да направам неколку интервјуа. Ми остави впечаток на човек кој умее добро да го искористи своето присуство во политиката и да постигне максимум ефект со минимум непотребно расфрлање на енергија. Верувам дека таа своја вештина ја научил во децениите службување во Белград, веројатно во постојан грч и страв да ја задржи и збогати својата политичка кариера. Јас и Македонија го запознавме во годините кога тој веќе беше доволно возрасен да раководи без жар, спокојно, одмерено, со прецизно пресметани потези и со јасна свест за последиците од секој од нив.
02.01.2012
http://www.plusinfo.mk/mislenje/404/Chovek-po-merka-na-nacijata-shto-ne-sakashe-da-krvari-za-nezavisnost| Коментари |
|
