Се сеќавам на една колумна на Гордан Георгиев каде што тој раскажа дека како млад активист често се сретнувал со високо позиционирани младинци од ВМРО ДПМНЕ и дека бил изненаден што голем дел од нив биле фасцинирани од фашизмот и од книгата „Мојата борба" на Адолф Хитлер. Мене тоа признание на Георгиев ме стаписа. До тој степен што и денес го помнам. Некако, не ме изненади, но ме вџаши. Се згрозив од фактот дека нашата политичка елита се регрутира од најмрачното идеолошко дно. Од дното, на пример, од каде што потекнаа и сегашните големи дрматори, Антонио Милошоски и Влатко Ѓорчев. Велам, не ме изненади фасцинираноста на локални идиоти од најстрашните падови во кои потонало човештвото, зашто и самиот, по скопските чајџилници, често бев опкружен со таков тип политички, идеолошки и, ако сакате, естетски опскурантизам. Но ни во најмрачните сништа не очекував дека овдешните чајџилнички реплики на разбивачите од минхенските пивници не само што ќе се доберат до власта во Република Македонија, туку дека ќе имаат и своја автентична културна програма за „преродба на нацијата".
Повеќе тука
(Објавено во Глобус на 20 јули 2010)
| Коментари |
|
