Граѓани за Европска Македонија

Иницијаторите на движењето Граѓани за Европска Македонија (ГЕМ) и Фондацијата Институт отворено општество – Македонија (ФИООМ) организираат едночасовна прес-конференција со дебата „ОСЛОБОДИТЕЛНАТА ПРЕСУДА НА ЉУБЕ БОШКОВСКИ НЕ Е ПОЛИТИЧКА ОДЛУКА“, на 14 јуни 2010 година (понеделник) со почеток во 11 часот, во ГЕМ клубот (Менада, Стара скопска чаршија).

На настанот ќе говорат бранителите во Хашкиот случај, Едина Рашидовиќ и Генел Метро (Guenael Mettraux), кој е автор на книгата „Правото на командната одговорност“. Модератор ќе биде Владимир Милчин, Извршен директор на ФИООМ.

Поканета е стручната јавност која ќе учествува со свои дискусии, коментари и прашања до говорниците со цел да придонесе во надминување на нејаснотиите околу основите за пресудата на Меѓународниот суд за воени злосторства во поранешна Југославија во Хаг.